Norway Zion Krifabu le an Pastor Salai Ceu Mang

Sunday, April 5, 2009 at Sunday, April 05, 2009 | Posted by Bihzun
NORWAY LEI THAWNGPANG


Zion Tipil Khrifa bu ah Leader Ship Training

Pu Salai Ceu Mang cu Egersund khua i "Zion Tipil Khrifa bu" nih hlawh pek lo Pastor in an hman cang bantuk in, nihin 4 April, 2009(zarhte) ni ah Leader Ship Training a tuahpi colh hna tiin kan theih. Chun suimilam 12:00 in zanlei suimilam 6:00 tiang an tuah i, Khrifa upa vialte, nu bu upa vialte, mino upa vialte le a lenglei minung zong an kai ve i, minung 20 renglo an kai kho. Khrifa bu kong, Khrifa bu dirh a herhnak kong, Norway cozah he rianttuan tti a herhnak kong, Constitution kong, by law kong, Khrifa upa tuanvo kong, mino kong, nu bu kong.....tbt. a phunphun in a cawnpiak hna i, an i lunghmuih tuk hringhran tiin an chim.

Zion Tipil Khrifa bu Gospel

Zion Tipil Khrifa bu cu thaizing 5 April, 2009, zarhpi ni khi Stavanger khua i a ummi "Stavanger Chin Church" ah Gospel an kal lai tiin kan theih fawn. Bus nganpi pakhat an hlan i, a tho kho lo, a kal kho lo tiangin an kal dih lai tiah an chim.. Hi
hi "Rogaland Chin Khrifa bu hawikomhnak" timi nih a tawlrelmi a si i, Rogaland peng i Khrifa bu pathum nih kumkhat voihnih in Gospel kan i tlong hna lai timi program a si. Thawngttha chimtu ah an Pastor Salai Ceu Mang a si lai tiin a thang.

Norway ram an cul lai

Rogaland Chin Khrifa bu hawikomhnak timi tthihruainak in Pu Salai Ceu Mang le Khrifa upa cheukhat cu April thla chung hi Norway Laimi tam deuh umnak khua paoh ah Gospel an kal lai tiin kan theih. Laimi tam deuh umnak Christiansand peng, Telemark peng le Oslo pawngkam hi an hmuitinh bik a si i, hi Gospel ah NCCF Chairman le Secretary zong an i tel ve lai tiin an chim.

Laitlang lei Khrifa bu taktak bantuk in

Norway ramah Laimi Khrifa bu pa 5 a um cang. A dir ding tete zong an um pah len rih tiin kan theih i, Norway ram kan um ko zongah Laitlang lei Khrifa bu taktak bantuk in kan kal cang lai, ti dawh an si.

Perhte

Note:
Sunday, April 5, 2009
Laiforum & Rungcin ah thlahmi a si

---end---

| |

0 comments

Post a Comment

Subscribe to: Post Comments (Atom)